श्रीपूर येथील ब्रिमा कारखान्यात कर्मचाऱ्याने जीवन संपविले

संबंधित अधिकाऱ्यांना तात्काळ अटक करा

यावेळी संतोष मोरे यांचे नातेवाईक, परिसरातील लोकप्रतिनिधी आणि काही कामगारांनी सुरुवातीला मृतदेह खाली घेण्यासाठी विरोध केला. कारखाना प्रशासनातील अधिकारी या घटनेस जबाबदार आहेत, असा आरोप नातेवाईकांनी केला. मुख्य अधिकारी यांना तत्काळ अटक करा, त्यानंतरच मृतदेह खाली घ्या, यामुळे पोलीस, नातेवाईक आणि स्थानिकांमध्ये बराच वेळ बाचाबाची झाली. त्यामुळे तणावपूर्ण परिस्थिती निर्माण झाली होती

शवविच्छेदनानंतर मृतदेह कारखान्यासमोर ठेवणार

नातेवाईक, स्थानिक लोकप्रतिनिधीच्या आणि पोलिसांच्या मध्यस्थीने पंचनामा करून जिल्हा उप रुग्णालय अकलूज येथे शवविच्छेदनासाठी मृतदेह नेण्यात आला. परंतु, शवविच्छेदन झाल्यानंतर जोपर्यंत मुख्य अधिकारी यांना अटक होत नाही. तोपर्यंत अंत्यविधी केला जाणार नाही आणि मृतदेह कारखान्यासमोर ठेवला जाणार, असा पवित्रा नातेवाईकांनी घेतला होता. अकलूज पोलीस स्टेशनचे एपीआय चौधरी, एएसआय बाळासाहेब पानसरे यांनी पोलीस कर्मचाऱ्यांसह घटनास्थळी भेट दिली